बलियो नेपालले ५ प्रदेशमा यु-१६ ट्यालेन्ट हन्ट क्रिकेट

Grassroot Cricket Develooment program

बलियो नेपाल न्युट्रीसियन इनिसिएटिभको आयोजनामा तथा क्विन्स इभेन्ट मेनेजमेन्ट प्रा. लि. को व्यवस्थापनमा

दोस्रो बलियो नेपाल यु-१६ प्रतियोगिता प्रदेश न.१ बाट शुरु गर्ने तयारि गरेको छ। प्रदेश नं. १ बाट शुरु गरि

मधेश प्रदेश, बागमती प्रदेश, गण्डकी प्रदेश र लुम्बिनी प्रदेशमा गरि देशको ५ प्रदेश भरि ट्यालेन्ट हन्ट द्वारा १६ वर्ष मुनिका उमेर समुहका खेलाडीहरु छनौट गरि प्रदेशको ५ वटा टिम तयार गरि यहि जेष्ठ महिनाको अन्त्यमा काठमाडौँमा हुने फाइनल प्रतियोगितामा समावेश गराइनेछ।

उक्त उमेर समुहको प्रतियोगिताबाट नेपालको ग्रासरूट क्रिकेटको विकासमा ठूलो योगदान पुग्ने बलियो नेपालले जनाएको छ । यस प्रतियोगिताको पहिलो संस्करण अघिल्लो वर्ष लुम्बिनी प्रदेशमा सफलता सहित सम्पन्न भैसकेको थियो। प्रदेश नं १ मा प्रतियोगिता हुने मिति चाडैं नै तय गरिने बलियो नेपालले जानकारी गराइएको छ।